Chehray Or Jild
Ki Khubsurti K Liye Kar Amad Nuskhay
 |
| Face Care Beauty Tips |
1) Aik adad surkh paka howa tamatar ly kar is k do tukray kar ly or chehry pr ragray15 minute bad chehra dho lay chera nikhar aye ga.
2) Doodh m badam ragar kar lai si bana lay is lai ko chehray pr ragarnay sy apki jild nikhar aye gi.
3) Jo ka ata,sonf,kharbozay k beaj or sangtaray k chilkay hum wazan lay kar axhi tarhan pees lay’is safof ko subha sham chehry pr malnay sy chand roz hi m chehra nikhra nikhra nazar aye ga.
4) Gaihon ka ata or besan adh adh pao’sangtaray k chilkay aik chatank or aik tola sandal in tamam ajza ko bareek pees ly or rozana raat ko sonay sy qabal doodh m mix kar k chhehry pr lagaye chand hi roz m chehra surkh or shadab nazar aye ga.
5) Agar chehry pr qabal az waqat jhuriyan nazar anay lagay to aik adad desi anday ki zardi alag nikal ly or sirf safaidi lay isy phantasy or is m aik chamach shehad milaye 15 minute tak laga rehnay k bad neem garam pani sy chera dhoo lay or is k bad thanday pani k chentay mariye ab chera toliye ki madad sy khushk kar lijiye ye amal cheray ki pazmadgi or izmehlal khatam kar deta h or jhurion sy najat mil jati h.
6) Manderja bala amal chonkay qadray taveel h is liye masroof zindagi guzarnay wali khawateen k liye qabl e amal nahi esi khawateen ko chahiye k anday ki safaidi ko roi ki madad sy chehray pr lagye or 15 minute bad dhoo lay jhuriyan khatam ho jaye gi.
7) Din m 3 baar chehray pr limon k russ ki malish kar k nisf ghantay bad dhoo lenay sy chehray pr parnay wali jharay or shikno ki afzaish ruk jati h.
8) Gehon ka ata or besan aik aik chatank thori si haldi,sangtaray k chand khushk chilkay or thora sa safaid sandal tamam ajza ko bareek pees kar amaiza bana lay or thora thora sa pani dal kar her roz chehray pr malay chiknai k liye dhood ki balai istamal ki ja sakti h chand roz lagatar is amal ko karnay sy chahray ki khubsurti m nikhar or numaya izafa ho ga .
9) Gaihon ka ata or haldi hum wazan lay kar gaye k ddhood m mila kar yak jaan kar lay is amaizay ko ubtan ki tarhan chehray pr malnay sy chand hi dino m chehra nikhar jata h.
10) Agar chehray pr chaiyan namoodar honay lagay to tamattor ka russ malnay sy chehra shadab ho jata h is k alawa chehray k siyaah parnay ki soorat m chand roz tak isay dhood sy dhona bi mufeed h.
11) Aik anda khob achi tarhan phaint kar aik tola shehad or aik tola dhood mila kar subho sham chahray pr lagaye chahray ki rungatnikhar aye gi.
12) Khushk mosam m kachay dhood ki balai sy chahray ki malish karay or nisaf ghantay bad dhoo lay apka ka chera na sirf khushk mosam k asrat say mehfooz rahay ga belkay is say rungat m numaya nikhar bi ronuma ho ga.
13) Chahray k musamat band honay ki surat m barish k pani sy chehra dhoye band musam khul jaye gay.
14) Muli k beajh bareek pess kar in m dhood ki balai shamil kar lay raat sonay sy qabal chahray par lagaye or subho kisi achay sabun say dhoo lay chehray ki mand parti rungat nikhar jaye gi.
15) Khamiri atay sy subha sawairay chahra saaf karnay sy rungat nikhar jati h.
16) Kisi taqreeb m shamoliyat say qabal agar chahray pr koi phinsi wagaira namoodar ho jaye to baraf ka tokra saaf suthray kapray m lapait kar thori dair k liye is pr rakhay is tarhan phinsi dhab jaye gi or kam az kam 24 ghntay say pehlay nai phootay gi bad aza is ka koi mustaqil alaj kiya ja sakhta h.
17) Chahray pr parnay walay daghon say nijat hasil karnay k liye jaifal ko dhood m pees kar chahray pr is ka gara laip karay.
18) Taza phalon ka rus chahary pr malnay sy chehra shadab ho jata h.
19) Multani mitti,kheeray ka russ or shehad ka mask bana kar chahray pr laganay say chahray ki tarotazgi or nikhar izafa hota h.
20) Aik glass garam dhood m her roz khalis shehad k do chamchay mila kar peenay say chahray ki rungat nikharti h.
21) Sarson or til bareek pees kar dhood m shamil kar k raat ko sonay sy qabal chahray pr lagaye chahray ka rung saaf ho jaye ga.
22) Nashtay say qabal aik glass neem garam pani m limon ka russ mila kar peenay say rungat nikhar jati h or chahray ki shadabi m izafa hota h.
23) Chand garam besan m thora sa dhood ,chand qatray limon ka russ or aik chutki haldi mila kar chahra dhoo lay chand rooz k amal say apka chahra chamak uthay ga .
24) Kharbozay k beajh cheel kar pees lay or chahray p laip kary chehra shadab ho jaye ga.
25) Atay ki bhoosi ko dhood m mila kar kaream bana lay or chahray pr lagaye chehra khil uthay ga.
26) Charonchi ko dhood m pees kar halka sa garam karay or raat ko sonay say qabal chahray pr iski malish karay subho uth kar ki miari sabun say chahra dhoo lay siyah rungat ko nikharnay ka behtareen nuskha h.
27) Adha pao dhood garam kar k is m do adad limon ka russ dal day jab dhood phat jaye to iska pani alag nikal kar kisi bartan ya botal m mehfooz kar lay or is pai m hum wazan gulab ka araq mila kar chahray pr lagaye chahra shadab ho jaye ga.
28) Din m do martaba taza loimon k russ sy chahray ki malish karnay or adhay ghantay bad kisi miari sabun say dhoo lenay say chahray ki shikno sy nijat mil jati h.
29) Dhood m zaitoon ka tail dal kar peenay say chahray ki rungat nikhar ati h.
30) Atay ki bhoosi ko chach m mila kar 10 minute k liye chahray or garden pr lagaye rakhay rungat nikhar aye gi.
31) Taza sangtaray k chilkay saye m rukh kar khushk kar lay is k bad kisi bartan m dal kar itana dhood dalay k chilkay beegh jaye 2 ghantay bad inhay dhood m hi pees lay ya garaind kar lay ye aik ubtan ban jaye ga isay her roz sonay sy pehlay chahray ,hathon pairon or garden pr lagaye or subho kisi axhay sabun say dhoo lay 3,4 roz taak ye amal karay ap ki jild nikhar aye gi.
32) Anday ki zardi or zaitoon k tail ka amaiza bana kar chahray pr laganay sy chahra narm o mulaim ho jata h.
33) Shaker k sharbat m limon ka russ dall kar peenay say rung nikhar jata h.
34) Agar chahray pr garhay hon to thori si multani matti lay kar is m arq e gulab dalay or amaiza bana lay is amaizay ka laip chahry pr kary or 10,15 minute bad taza pani say dhoo ly garhay khatam ho jaye gay.
35) Esi khawateen jin k chahray pr mathay pr nak k neechay baal ho inhay chahiye k imoniya or hidrojan pr ocxide ka mehlol bana kar mehfooz kar lay or raat ko sonay say pehlay roi k phahay say balon pr lagaye khushk honay pr pani say dhoo lay in gair zarori balon say nijat mil jaye gi.
36) Chahray k balon say nijat hasil karnay k liye kachay bairon ko achi tarhan pees kar balon pr lagaye thori dair bad aram say utar lay is tarhan baal bilkul khatam hon jaye gay.
37) Nahany k bad rukhsaron pr liomn ka araq mal kar kuch dair bad sarson ka tail lagaye or phr toliye say ponch lay apk rukhsar gulab ki tarhan narm o mulaim ho jaye gay.
38) Podenay ki patiyan ubal kar is k pani ko khulay mon k bartan m thori dair thandi jaga pr rakh dy or rozana subha sawairay chuthai cup pee lay rungat surkh o sapaid ho jaye gi.
39) Raat ko sonay say pehlay zafran m zaitoon ka tail shamil kar k chahray pr malnay say sanwalai rungat bi surkh o sapaid ho jati h.
40) Karway badamon ko pani m ragar kar chahray pr malnay say sanwali rungat bi surkh o sapaid ho jati h.
41) Gajar ko bareek pees kar chahray pr iska laip karay kam az kam nisaf ghantay tak laga rehnay dy isk bad thanday pani sy dhoo lay apka chahra pehlay sy kahin ziyada shadab or khila khila nazar aye ga.
42) Rozana nihar mon kino ka russ peenay say chahray ki rungat saaf ho jati h.
43) Chahray ki rungat murjany ki sorat m karn flour, dhood or chand qatray limon ka russ mila kar amaiza bana lay or chahray pr malish karay.
44) Moli ka russ chahray pr malnay sy keel mahason k nishan khatam ho jatay hain.
45) Kakri k beejhon ko pees kar chahray pr laip karnay say rungat nikhar ati h.
46) Neem garam pani m shaihad mila kar rozana peenay sy chahra khi uthta h.
47) Agar ap k chahray pr buray rung k til hon to inhay halka karnay k liye rozana khati lassi say chahray ko mal mal kar dhoye til halkay ho jaye gay.
48) Khalis galaisareen ko arq e gulab m mila kar aram say malih karay aik ghantay bad mon dhoo lay esa karnay say bhooray talon ka khatama ho jaye ga.
49) Chichak k dagon sy nijat hasil karnay k liye khalis pista pees kar safoof bana lay raat ko sotay waqat chichak k dagon pr maliye 6 maah esa karnay say pehlay dag madam paray gay phr ahista ahista khatam ho jaye gay sabar o tahamul or mustaqil mazaji say istamal karay ‘’Insha,Allah’’faida ho ga.
50) Chahray pr zardi numaya honay ki surat m gajar ka joos rozana aik glass piye or raat sonay say pehlay aik glass dhood piye chahray ki zardi khatam ho jaye gi.
Post a Comment